VOV4.M’nông: Ôi lơ 10/5, ta Hà Nội, ma rhiăng kon se ăp gưl râng Nar rgŏ jă Nar rgum ƀư ueh ntŭk ntu gŭ âm ndrle pă nkhôm Khay mô dŏng đah ndơ nhựa dŏng du tơ̆. Năm e, Ntŭk nkoch mbơh nau ntŭk ntu gŭ âm, Tâm n’gâng kan ntŭk ntu gŭ âm hŏ tâm rgop- nsum đah N’gâng kan ntĭm nti nkuăl ƀon têh Hà Nội, ndơ tăch Nestl Milo Việt Nam ntơm ƀư geh nau dơi bôk nau kan “Khay mô dŏng đah ndơ nhựa dŏng du tơ̆” ndrel nau tâm rlong blau nau mhe mpeh ntŭk ntu “Yor du ntŭk pâl Việt Nam ueh ndrel ndrih”.

Rnâng kan ƀư hŏ ndơn geh rlau 3000 nau nchih bah rlau 500 ngih săm ƀŭt tâm lam dak. Ăp nau ntĭm ntui, ăp nau kan tâm rlong vẽ rup, nau kan rgâl ndŏk sŏk nklâm ndơ, ăp nau kan nkra mhe ăp ntil geh nchlơi dơm tâm rnăk vâl nơm hŏ rgum geh nau râng bah âk mpưm kon se ăp gưl nti./.

Nŭih rblang: H’Thi