Nau mbơh tă bah UBND n’gor Dak Nông, ta Hà Nội, N’gâng kan nchrăp kan ndrel ntuh kơl, Hội đồng uănh năl bah nehdak ƀư nau uănh năl nau Nchrăp rgum n’gor Dak Nông lvang năm 2021-2030, rƀŏng tât năm 2050. Aơ lah n’gor tal 31 bah lam dak ndrel lah n’gor bôk năp bah nkuăl Tây Nguyên ƀư jêh săm ƀŭt ân geh uănh năl nau rgum nchrăp gưl n’gor. Nau rgum bah n’gor Dak Nông mbơh 7 nau hun hao, nkô̆ nau tât năm 2030 ndâk n’gor Dak Nông jêng n’gor geh jâng văng sa ăp ntil ndrel nâp nâl bah nkuăl Tây Nguyên, lah ntŭk kan tơm bah công nghiệp bôxít-nhôm bah neh dak, ntŭk kan tơm bah nau ndâk njêng tay bah nkuăl Tây Nguyên, Hun hao pâl n’aih, sinh thái nsing tâm nau ueh mpeh mih, nar, neh ntu bri dak; Hun hao nau kan tuch tăm tĭng trong công nghệ prêh, nâp nâl.

Rƀŏng tât năm 2050, nsôih Dak Nông jêng n’gor hun hao bah nkuăl Tây Nguyên, geh rnoh prăk du hê bôk nŭih ƀon lan prêh lơn nau dơi geh kơp nsum bah lam dak. Dak Nông rƀŏng njêng 3 nau mhe tâm rnôk hun hao, mpeh: Rgum ăp ntil công nghiệp bôxít-nhôm-luyện kim ndrel công nghiệp ŭnh nar kloh; Tuch tăm nâp nâl tŏng geh dơi đah nau ntrơn rgâl trôk nar geh nsum ma nau tăch; Pâl n’aih, rlu rlau geh nsum đah ntŭk ueh bah tơm si, neh dak, nsum mpôl ƀon lan ndrel công viên địa chất lam ntur neh UNESCO. N’gor hun hao ntrong 11 đô thị tâm 3 nkuăl tơm, 4 ntrong kan văng sa tĭng trong ăp n’gâng Quốc lộ 14, 14C, quốc lộ 28 ndrel ăp trong Đông-Tây. Dak Nông kŏ leo 14 rmôt ƀư nau kan ngăn gay ma rgum tơm ƀư nau kan rgum ngăn./.