Kêng măng 7/11, Kruanh Quốc hội Vương Đình Huệ ƀư tơm rơh pah kan nchrăp ƀư Rƀŭn nchră mbơh ƀư tĭng bôk nău kan groi nđôi bah Quốc hội năm 2024. Ta rơh pah kan, ăp đại biểu lah rjăp nkô̆ nău khlay bah nău ƀư rƀŭn nchră. Aơ lah rơh tal 2 rƀŭn nchră lam dak mpeh nău ƀư groi nđôi bah Quốc hội n’hanh Ủy ban Thường vụ Quốc hội dơi ƀư an saơ nău di ăp tâm trong kan mbơh ƀư nău kan groi nđôi bah Quốc hội n’hanh nsĭt tay âk săk rnglăy ngăn ngên, rgop n’hao uĕh, săk rnglăy, tam groi nđôi bah Quốc hội.

Ntoh ngơi ta rơh rƀŭn, Kruanh Quốc hội Vương Đình Huệ đă Tổng thư ký Quốc hội, Chủ nhiệm Văn phòng Quốc hội djăt tŏng ăp nău rgop, nchrăp na nê̆, trong kan ƀư rƀŭn nchră. Kruanh Quốc hội Vương Đình Huệ lah rjăp, rƀŭn nchră geh nău uănh lah tay săk rnglăy ƀư tĭng bôk nău kan groi nđôi năm 2023, bah nĕ rhoăt nău blău ơm an ƀư săk rnglăy lơn tâm năm 2024.