VOV4.M’nông: Tâm ntŭk kan Chính phủ, Groi Thủ tướng Vũ Đức Đam ƀư tơm nar rƀŭn trực tuyến lam dak mpeh nau kan pơk tay mpông ngih săm ƀŭt bah ăp n’gor. Lôch nar nchră, Groi Thủ tướng lah rjăp: Nau hăn nti tay bah kon se lah nau khlay, mô knŭng rnôk geh srê ma n’ăp rnôk mô geh srê. Kon se tâm ngih jŏ jong mra jêng ăp nau mô ueh, mô knŭng mpeh nau vay, nau gĭt ma khuch jŏ jong tât nau hun hao bah kon se. Năl nau njrăng rdâng srê Covid-19 lah jŏ jong, Groi Thủ tướng Vũ Đức Đam nkah tay nuih n’hâm ân geh ndâk tay ăp nau kan hun hao văng sa, rêh jêng tâm nau kan geh tât mhe, đah nkô̆ nau ân geh tâm ban, tâm kơt, ngăch, nkân njrăng săk tam srê ji. Groi Thủ tướng nkre nkah đah nau kan bôk năp tâm nau chuh vắc xin njrăng srê Covid-19 ân kon se ntơm 5-11 năm. Ndrel ma nê, ndơn nau ngăn lah kon se hăn nti âk ri nau ntưp mra âk, nau khlay lah nơm ân dơi nkân nau ntưp, geh nau kan gay rklaih ăp nŭih F0, F1 ân tâm di./.

Nŭih rblang: H’Thi