Bộ Giao thông- Vận tải mhe geh siƀŭt njuăl Thủ tướng Chính phủ dăn đă sa nkra trong cao tốc Nha Trang - Cam Lâm tâm nar 19/5. Lôch bơi 2 năm ndăn ƀư, trong hŏ ƀư lôch lor bah năp 3 khay. Cao tốc Nha Trang - Cam Lâm tă bah Tập đoàn Sơn Hải ƀư  tơm ntuh kơl, lĕ rngôch tơm prăk ntuh kơl 7.600 rmen prăk, rnoh jong rlău 49km, gŭ ta n’gor Khánh Hòa.

Trong dơi weh ƀư hvi 4 mbor ndeh ta jêng trong hvi 17m, mât dŏng sŏk mplơ̆ tay tơm prăk ntuh kơl lôch 16 năm. Tât rnôk dja, trong hŏ ƀư lôch jêh. Nuĭh tơm ƀư ndranh rgum ndeh rklư, ndơ dŏng, nuĭh kan leo ƀư du njăr trong gay ƀư lôch jêh n’glĕ dŭt kơt: tuh bê tông nhựa duh n’glĕ dŭt, sơn tor tâm pă mbor trong, tâm pă nklang trong cao tốc, ntrŭp mpêr rbong, n’gâng mpoh ang, păng pla nchih, nkah njrăng lor, mpôih lĭt uĕh măt trong. Nchrăp cao tốc Nha Trang- Cam Lâm sa nkra tâm nar 19/5 tât.