Kêng măng 7/4, Rmôt hăn kan bah N’gâng kan dak si yor Kruanh N’gâng kan Trần Văn Thuấn ƀư Kruanh rmôt kan hŏ geh nar pah kan đah UBND n’gor Dak Lak mpeh nau ntrŭnh ƀư nau Ndâk ngih dak si Đa khoa Trung ương nkuăl Tây Nguyên. Bôk nau ŭch nkra ngih dak si Đa khoa Trung ương nkuăl Tây Nguyên tâm N’gâng kan dak si, đah nau dăng geh 500 nsưng bĭch săm, nchrăp geh ndâk tâm Phường Tân An, TP Buôn Ma Thuột, n’gor Dak Lak, đah rnoh hvi 15,6 ha. N’gor hŏ kơp, ndâk nau kan trok tâm, ntrơn gŭ mhe, nchrăp rnoh 147 rmen prăk.

Tâm nar pah kan, ăp ntoh măt hŏ rgum tâm nchră mpeh nau ntrơn ntŭk gŭ bah nau kan, nchrăp ndrel ntĭm nŭih ƀư nau kan nâp nâl ân ngih dak si, uănh nau ntrơn rgâl moh săk gay ma der nau tâm kơt ma ntŭk êng; Kruanh n’gâng kan dak si Trần Văn Thuấn rnê prêh nau kan tâm rgop bah n’gor Dak Lak đah nau nchrăp ntuh kơl ndâk Ngih dak si Đa khoa Trung ương nkuăl Tây Nguyên. Wa ŭch, tâm rơh tât n’gor lŏ geh ăp nau kơl an N’gâng kan dak si gay ntrŭt dăng nau ngăch ƀư ăp ntil săm ƀŭt ntơm ntrŭnh ƀư nau kan, nau ntrơn leo ntŭk ntu ƀư kan./.