VOV4.M’nông: N’gâng kan dak si nchrăp pă “Hộ chiếu vắc xin” ntơm lơ 15/4 tât gay ma nŭih ƀon lan nơih lơn rnôk hăn dak ba dih. Nê lah nau mbơh tă bah rơh rƀŭn trực tuyến yor N’gâng kan dak si ƀư rƀŏng ntrŭnh nau pă “Hộ chiếu vắc xin” ndrel ntrŭnh nau ƀư ntop, uănh năl nau mbơh chuh vắc xin njrăng rdâng srê Covid-19. Kơp tât lơ ¼, lam dak hŏ chuh rlau 200 dĭng vắc xin njrăng rdâng srê Covid-19. Rnoh geh chuh vắc xin ân nŭih ntơm 18 năm hao gŏ lơ du nglai lah bơi tât 100%, nglai tal 2 lah 99% ndrel rnoh nŭih hŏ chuh 3 nglai geh nklăp 50%. Đah nŭih ntơm 12-17 năm, rnoh chuh nglai bôk năp lah 99% ndrel nglai tal 2 lah 94%. N’gâng kan dak si ndrel ăp nkuăl kŏ nchrăp chuh văc xin njrăng srê Covid-19 ân kon se ntơm 5 tât tâm dâng 12 năm. Rnôk aơ, ăp ntŭk chuh vắc xin tâm lam dak dôl nchrăp ăp ntil ndơ gay N’gâng kan dak si ƀư pă “Hộ chiếu vắc xin” ân nŭih ƀon lan nchrăp ntơm lơ 15/4 tât. “Hộ chiếu vắc xin” mra geh ntoh tâm ntŭk N’hâm soan điên tử, PC-Covid mô lah uănh tâm mpông trong điện tử bah N’gâng kan dak si./.

Nŭih rblang: H’Thi