VOV4.M’nông: Ntŭk kan Rnâng kan Rđau nau kan neh dak mpeh nau njrăng rdâng trôk nar lơh mhe geh nau ntrŭnh njoăl ân Rnâng kan rđau nau kan njrăng rdâng trôk nar lơh dnrel joi kơl nŭih tât khuch n’gor Kon Tum; ăp N’gâng kan: N’gâng kan tuch tăm ndrel hun hao ƀon lan, Công thương; rmôt kan điện lực Việt Nam; Viện Vật lý Địa cầu mpeh nau nchrăp rdâng đah n’gơ neh tâm n’gor Kon Tum. Tĭng nau mbơh bah Viện Vật lý Địa cầu, Viện Hàn lâm Khoa học Việt Nam, lơ 23/8 hŏ geh 4 rơh n’gơ neh tâm nkuăl Kon Plông, n’gor Kon Tum, tâm nê rơh geh neh dăng 4,7 độ rích te, khuch khat mrô 1. Gay ma nchrăp njrăng rdâng, n’huch nau khuch yor n’gơ neh lơh, Ntŭk kan bah Rnâng kan rđau nau kan neh dak mpeh nau njrăng, rdâng nau khuch đă Rnâng kan rđau nau njrăng rdâng trôk nar lơh ndrel joi kơl nŭih tât mâp rmanh n’gor Kon Tum, ăp N’gâng kan, ăp ntŭk kan ndrel ăp rmôt kan geh tât nchră tât nau khuch ndrel nau geh khuch ngăn bah ăp rơh n’gơ neh đah ngih gŭ bah ƀon lan, ntŭk gŭ pah kan, ngih săm ƀŭt ndrel ăp ntŭk ngih vâl gung trong, năn saơ, rklaih ăp nau khuch, djơh gay ma đăp mpăn ân nŭih ƀon lan ndrel drăp ndơ, mra nŭih kan, ndơ dŏng, gay ma rdâng kơl an ndrel rklaih nau khuch năn rnôk geh nau tât ndal./.

Nŭih rblang: H’Thi