Ôi lơ 28/4, tâm xã Dak Ru, nkuăl Dak Rlâp, n’gor Dak Nông, UBND n’gor ƀư nau ntơm ndâk dơi Bôk nau kan gưl 2 tâm trong hăn ngăch Gia Nghĩa-Chơn Thành, di nkah 50 năm rklaih đăp mpăn miền Nam. Bôk nau kan dŏng 100% tơm prăk nkuăl, đah rnoh ntuh kơl 338 rmen prăk, ndâk 20 ntŭk trong ndrel ndrel 5 ntung rlet, pơk trong nơih ân hun hao văng sa, rêh jêng tâm nkuăl.

Kruanh UBND n’gor Dak Nông Hồ Văn Mười lah rjăp, trong hăn ngăch lah trong tơm, geh nau khlay kan ân Dak Nông, Bình Phước ndrel lam nkuăl Tây Nguyên-Đông Nam Bộ. Trong hăn ngăch Gia Nghĩa-Chơn Thành geh rnoh prăk ntuh kơl lah 25.540 rmen, nchrăp mra jêh tâm năm 2026, dŏng ƀư tâm năm 2027. Trong aơ mô êng rhuăt gleh mông hăn ma hôm pơk trong ân hun hao mhe, dŏng dơi tam nau geh văng sa, pâl n’aih ndrel ntuh kơl ân lam nkuăl./.