VOV4.M’nông: Ôi lơ 10/6, ta nkuăl ƀon têh Buôn Ma Thuột, n’gor Dak Lak geh nau kí nau nchrăp nau tâm boh ndâk nau tâm nchră nau mhe tâm nkuăl Tây Nguyên. Aơ lah ngoai tâm ăp nau blau nau mhe bah Chính phủ Úc tâm bôk nau kan tâm nchră đah N’gâng kan nchră nau ndrel Úc, ƀư nau mĭn rvê Khoa học ndrel Công nghiệp rmôt nâp nâl nsum (CSIRO) ndrel Bộ Khoa học –Công nghệ Việt Nam. Prăm n’gor: Dak Lak, Dak Nông, Gia Lai, Kon Tum ndrel Lâm Đồng ndrel CSIRO hŏ ký nau nchrăp nau nkah tâm boh tâm nchră rgâl nau mhe tâm nkuăl Tây Nguyên.

Nkô̆ nau bah rơh tâm nchră lah ntrŭt dăng nau rgâl mhe gay ma kơl an ân nau hun hao nâp nâl, tâm ban bah ntŭk kan tuch tăm ndrel nau ê nkra ndơ tuch tăm tâm nkuăl. Tâm 3 năm, ăp ding mra pơk hvi ndrel ma n'hao lơn tay nau tâm rgop tâm nau kan gay ma pơk trong nơih gay ma geh gĭt ăp nau mhe ndrel ăp nau dơi njêng blau mhe tâm nau geh dơi tâm ndrel bah dih ntrong kan tâm nchră, Ntrŭt dăng nau leo luh ăp nau mhe, ndrel ntuh kơl ndrel ndâk ăp nau kan tâm boh mĭn rjăp gay n’hao nau dơi ntul rlong ân ăp ntil ndơ tăch luh tuch tăm ndrel ê nkra ăp ntil ndơ tuch tăm bah nkuăl nơm./.

Nŭih rblang: H’Thi