Groi Thủ tướng Chính phủ Trần Lưu Quang mhe ký sam ƀŭt mpeh nău ndăn ƀư tĭng ăp trong mkra dôh rklaih jêr jŏt, ntrôl ƀư tĭng 03 bôk nău kan rƀŏng tĭng lam dak. Dôl uănh, Chính phủ ndâk njêng 26 Mpôl pah kan yor ăp Nuĭh chính phủ ƀư tơm pah kan na nê̆ gay dôh rklaih jêr jŏt an ăp ntŭk: Tâm 6 khay bôk năm aơ, Chính phủ n’hanh ăp N’gâng kan, ngih pah kan Trung ương lĕ ndăn, nsrôih ntĭm rđău n’hanh an1 nghị định, 2 nău ntrŭnh bah Thủ tướng Chính phủ, 05 thông tư, 4 sam ƀŭt ntĭm n’hanh âk sam ƀŭt.

Gay ntrôl ngăch pă an prăk ƀư tĭng ăp bôk nău kan rƀŏng tĭng lam dak, Thủ tướng Chính phủ đă, ăp n’gâng kan, nău kan ndăn tâm rgop đah N’gâng kan prăk kaih n’hanh ăp n’gâng kan, ngih pah kan tơm nău nchrăp ƀư an mbơh rnoh prăk sự nghiệp năm 2024 n’hanh 2025. Ủy ban Dân tộc ndăn ƀĭt joet, tâm rgop đah ăp n’gâng kan, ngih pah kan ƀư tơm nău nchrăp uănh nđôi lĕ rngôch bôk nău kan rƀŏng tĭng lam dak hun hao wăng sa rêh jêng nkual rnoi mpôl đêt n’hanh nkual yôk lvang 1, ndâk njêng sam ƀŭt rhăch nău đă rgâl di nkô̆ nău nău ntrŭnh an uănh an bôk nău tĭng di nău ntrŭnh, tĭng sam ƀŭt bah pháp luật mpeh ntuh kơl nsum.