VOV4.M'nông: Kêng măng 22/4, Groi Thủ tướng Chính phủ Vũ Đức Đam ƀư tơm rơh hop mpeh pah kan nchrăp ƀư Đại hội Thể thao Đông Nam Á tâl 31 (SEA Games 31). Tĭng Ban tổ chức, tât aƀaơ, ăp nău nchrăp ƀư Đại hội hŏ lôch jêh, nchrăp an nar rgum tâm rlong thể thao dŭt têh nkual. Ban Tổ chức SEA Games 31 hŏ uănh an dŏng n'hanh nău rđău đă an ƀư ăp trong nchrăp đăp mpăn, rnă njrăng; dak si n'hanh uănh năl doping; njrăng, n'gang nuh srê COVID-19; ndơ rhŏ dŏng nsum mpôl; ntung trong; ntĭm nti nuĭh râng kơl êng; nchrăp lễ ntơm pơk n'hanh mpôch dŭt...

Groi Thủ tướng Vũ Đức Đam hŏ rđău đă ân droh rklaih ăp nkô̆ nău hôm kŏ kol tâm pah kan nchrăp an SEA Games 31. Na nê̆ nău nchrăp lễ ntơm pơk, mpôch dŭt; tâm pă ndeh rdeng rhŏ dŏng an ăp mpôl thể thao. Groi Thủ tướng đă ăp n'gâng kan, ăp n'gor kan nsum lhăt, geh nău tam gay nkra ăp nkô̆ nău jêr jŏt tĭng di nău dơi, lơn lah ăp si ƀŭt mât kan, ndăn ngăch ƀư ăp nău kan dơi jao, ƀư ăp tŏng, geh nău dơi SEA Games 31. 

Nuĭh rblang: Điểu Thân