Ôi 13/6, ta Ngih Chính phủ, Groi Thủ tướng Trần Hồng Hà ƀĭt joet nar pah kan đah Rnâng kan Hội đồng hun hao nâp nâl n’hanh n’hao dơi tâm rlong lam dak. Jêh rnôk kơp tay ăp săk rnglăy nău kan bah Hội đồng năm bah năp, kơt jêr jŏt, mô dơi ƀư tâm nău mbơh tâm ôp tâm nchră n’hanh mbơh ntĭm an Chính phủ, Thủ tướng Chính phủ mpeh ăp nău geh tât hun hao nâp nâl n’hanh n’hao dơi tâm rlong, ăp nău rgop tâm ban ŭch tâm năm tât bah Hội đồng an rgum tâm ăp n’gâng tơm bah hun hao nâp nâl:

Wăng sa-rêh jêng-Ntŭk ntô gŭ âm kơt: tâm ton bah Việt Nam đah Bôk nău kan khlay 2030 yor nău hun hao nâp nâl bah LHQ; mĭn tay du đêt nău kan khlay tĭng năm, tĭng lvang, ndrel đah nău kan, nău mât uănh ngih dak bah tĭng n’gâng kan, nău kan; uănh joi nkô̆ nău, nău mhe n’gluh an kơt rgâl mrô, rgâl uĕh nđir, rgâl nău rêh jêng.