Ta năp nău neh dak roh, ngih wâl chrai, uănh saơ nău tŭn jôt bah phung rlăng, nău njê bah nuĭh ƀon lan pah kan, nuĭh druh ndăm rŏng dak Nguyễn Tất Thành nsrôih hăn dak bah dih jêh nĕ “plơ̆ sĭt kơl ƀon lan” tâm nău rklaih đăp mpăn sŏk đăp mpăn an rnoi nuĭh, dah rŏng, uĕh lăng an nuĭh ƀon lan. Năm 1941, bah kơi trong hăn 30 năm hăn dak bah dih joi trong kơl neh dak, Wa Hồ lĕ plơ̆ sĭt ƀon tơm nơm, na nê̆ ntĭm rđău ntrong leo cáchn mạng, ƀư tĭng nău kan têh bah Đảng he, sŏk đăp mpăn an neh dak, dah rŏng an nuĭh ƀon lan. Rnôk geh tât, Nuĭh lĕ ntĭm rđău cách mạng khay 8 lôch uĕh, ƀư rgâl nău rêh kon nuĭh ƀon lan Việt Nam, rnoi nuĭh Việt Nam. Nuĭh lah rup ndah bah nău ŭch đăp mpăn, bah nău tâm rnglăp dăch dêh n’hanh kan ndrel đah ăp rnoi nuĭh. PGS. Tiến sĩ Bùi Đình Phong, Học viện Chính trị Quốc gia Hồ Chí Minh rblang:

“Nău kan Hồ Chí Minh, trong uănh Hồ Chí Minh, trong kan Hồ Chí Minh, nău mĭn Hồ Chí Minh an saơ; Hồ Chí Minh dŏng văn hóa kơt rtăk si, rse boăt nthoi ăp rnoi nuĭh, jŭt jăng ăp nău tâm ƀah. N’ăp rnôk Pháp, nuĭh Mỹ tŭn in he, Nuĭh hôm an lah: Rŭn in lah an lơh, yơn m’ham lah m’ham đŏng, nuĭh lah nuĭh đŏng. Nuĭh roh an nuĭh Việt Nam kơt uănh khlay nău rêh nuĭh Pháp, Mỹ”.

 Ăp nău mĭn êng bah nuĭh đah săk nơm, ntĭt mpơl êng, nău rƀŏng, nuih n’hâm... n’hanh ăp nău geh tĭng nău way mpeh ndâk njêng chủ nghĩa xã hội, tĭng nuih n’hâm nơm đăp mpăn rnoi nuĭh n’hah chủ nghãi xã hội lah rse brai chăng rlŏ rlău na nao, nău ƀư dơi nău kan ndâk njêng n’hanh mât njrăng neh dak. TS Lê Trung Kiên, Viện Hồ Chí Minh n’hanh ăp Kruanh bah Đảng mĭn lah:

“Drăp ndơ geh trong nâp nâl bah Kruanh Hồ Chí Minh gay n’glơi tay đah rnoi nuĭh n’hanh rnôk mhe, ntoh lư n’hanh ngăn ngên ntoh lư an neh dak lah trong săch, joi trong, ndâk njêng trong n’hanh ndâk njêng trong hăn đăp mpăn rnoi nuĭh hăn ndrel đah chủ nghĩa xã hội ta Việt Nam. Lơn lah tâm nău rgâl mhe bah neh dak ri plơ̆ tay đah drăp ndơ Hồ Chí Minh gay dơi saơ ăp nău mĭn, tâm nchră nău mĭn êng nơm bah Nuĭh mpeh trong rgâl mhe lĕ rgop lôch uĕh lý luận mpeh trong hăn rgâl mhe bah Đảng Cộng sản Việt Nam aƀaơ hin”.

Nău kan cách mạng bah Kruanh Hồ Chí Minh ntŭk bah ntơm n’hanh lôch rƀŏng tât rklaih đăp mpăn kon nuĭh, mât uănh an nău uĕh lăng bah kon nuĭh. Drăp ndơ Hồ Chí Minh mpeh ndâk njêng n’hanh hun hao wăng sa, mô rlu n’hao nău rêh drăp ndơ n’hanh nuih n’hâm an nuĭh ƀon lan, lor lah nuĭh ƀon lan pah kan. Nuĭh n’glơi an rơh bah kơi nău khlay drăp ndơ mpeh ndâk njêng Đảng n’hanh trong chính trị gay dŏng n’hanh hun hao nău mĭn mhe tâm di đah nău geh êng rnoi nuĭh n’hanh rnôk mhe. Tĭng GS.TS Mạch Quang Thắng, tâm rnôk aƀaơ hin an rhăt jăp nău tâm boh nting mham đah Đảng n’hanh nuĭh ƀon lan:

“Đảng bah nuĭh ƀon lan ma geh. Jêng lah Đảng lah kon bah nuĭh ƀon lan. Đảng geh nău kan ƀư lôch nău wât đah me bơ̆ bah nơm lah nuĭh ƀon lan. Kruanh Hồ Chí Minh lah na nê̆ lơn “Đảng lah nuĭh rhŏ kan, ƀư kan bah nuĭh ƀon lan”. Nău aơ tâm nău geh cách mạng aƀaơ hin lơ an lah rjăp gay rhăt jăp nău tâm boh tĭng di nău mĭn Hồ Chí Minh lah nău tâm boh nting m’ham đah Đảng n’hanh nuĭh ƀon lan”.

Mĭn njêng, kơt dŏng, hun hao mĭn ƀư mhe drăp ndơ Hồ Chí Minh gay wât tŏng ăp lơn, jru lơn nău khlay têh kuăng drăp ndơ bah Nuĭh đah rnoi nuĭh n’hanh kon nuĭh, rnôk mhe, ƀư an khlay bah drăp ndơ Hồ Chí Minh nar lơ nâp nâl, nchrat ang n’hanh rnoi nuĭh n’hanh kon nuĭh. Nâp nâl, sŏng dăng tĭng tâm drăp ndơ Hồ Chí Minh, rnoi nuĭh Việt Nam mbra ƀư dơi nău ŭch bah Nuĭh mpeh “ndâk njêng du neh dak Việt Nam đăp mpăn, kơp dơn ngoăy, đăp mpăn, ƀon lan ƀư tơm, têh ndrŏng n’hanh rgop an tâm di nău kan cách mạng lam ntŭr neh”./.