Lôch geh djăt ndơn kan nuĭh leo kan Rnâng kan wăng sa trung ương mbơh tơih, nău tâm rgop bâh ăp ntŭk kan, n’gâng kan chính trị lĕ tâm nchră n’hanh bôk năp lĕ dơn ngoăy mpeh ăp nău ntrŭnh, nău mĭn, trong kan khlăy. Nglôch lôch rơh rƀŭn nchră, Tổng Bí thư, Kruanh dak Tô Lâm lah na nê̆ nkuăl ƀon têh an geh mĭn uănh tay, mât uănh, mbơh tơih, mĭn uănh ntrŭnh ăp trong kan, nău kơl kan way kan ntoh lư geh nău kan mhe tâm di đah nău hun hao bâh nkuăl ƀon têh Hải Phòng an tâ di đah nău mpŏng kan tât năm 2030, mpŏng uănh tât năm 2045.

Tâm ôi lơ 13/9, N’gâng kan Chính trị rƀŭn nchră mpeh bôk nău kan njêng nkuăl ƀon têh Huế bâh Trung ương mât uănh. Tổng Bí thư, kruanh dak Tô Lâm nkah mbơh, nău njêng nkuăl ƀon têh Huế bâh Trung ương mât uănh mpơl na nê̆ nău ŭch rŏng, nău tâm ban nău mĭn bâh ăp nuĭh ƀon lan, njêng nău nsrôih gay ma Thừa Thiên Huế an n’hao tay nău wăy ơm cách mạng têh kuăng, mât rbăy, n’hao nău khlăy ntil ndơ ơm geh ta Cố đô n’hanh nău ueh văn hóa Huế, rdâk njêng nkuăl ƀon têh Huế lah ntŭk tơm bâh ta nkual miền Trung, an tâm di đah nău ŭch bâh trung ương Đảng, n’gâng kan chính trị n’hanh ƀon lan lam dak.