VOV4.M’nông-  Ôi aơ 14/10 ta Hà Nội, n’gâng kan Chính trị, Ban Bí thư mbra geh ƀư rơh rƀŭn nchră mât uănh n’hanh mbơh ƀư tĭng Nghị quyết bâh n’gâng kan Chính trị mpeh trong kan hun hao wăng sa rêh jêng n’hanh mât đăp mpăn rnă njrăng nkual Tây Nguyên tât năm 2030 mpŏng uănh tât năm 2045. Tổng Bí thư Nguyễn Phú Trọng leo kan n’hanh geh nău ntoh ngơi ntĭm đă dŭt khlăy ta rơh rƀŭn nchră.

N’gâng kan chính trị ƀư rơh rƀŭn nchră mbơh ƀư Nghị quyết hun hao nkual Tây Nguyên tât năm 2030 mpŏng uănh tât năm 2045.

Mhe aơ, tât râng leo rơh rƀŭn nchră n’hanh ntoh ngơi ta rơh rƀŭn nchră nglôch lôch nău kan ƀư tĭng Nghị quyết mbrô 10 n’hanh nglôch lôch mbrô 12 bâh n’gâng kan chính trị mpeh hun hao wăng sa rêh jêng n’hanh mât đăp mpăn rnă njrăng ta Tây Nguyên, Thủ tướng Phạm Minh Chính lĕ lah na nê̆ du đê̆ nău tă kan khlăy kơt lah an geh gĭt vât tâm di n’hanh tŏng ăp mpeh nău kan, ntŭk kan n’hanh nău khlăy bâh nkual đah lam dak ta lĕ rngôch ăp gâl kan, ăp ntŭk kan nchŏng lah na nê̆ hun hao nkual Tây Nguyên an geh rgum n’hanh tâm rgop doh rklaih tâm ban lĕ mpeh chính trị, nău mĭn, wăng sa, ntŭk gŭ rêh, rnă njrăng ngih dak, rnă njrăng đăp mpăn, ndrel đah hun hao wăng sa đah mât kơl doh rklaih ăp nău rêh jêng, nău kơl an mpôl rnoi, phung chroh, ndâk nsơm nău ryơk n’hao, nău rgâl mpeh lịch sử, văn hóa, way ơm cách mạng, geh nău mĭn nsrôih, nău ŭch hun hao, nău mĭn, nsrôih tâm rnglăp pah kan an hun hao, an geh trong kan, nău kơl an geh âk rnoh hun hao, ngăn lah tâm kơl pah kan nsum, rnoh kan ntŭk rêh jêng n’hanh ntuh kơl dak bah dih.

VOV/Nuĭh rblang: Thị Đoắt