VOV4.M’nông: Kêng măng 3/6, N’gâng kan Công an ƀư rƀŭn lôch nau kan, nchră ƀư nau ndâk njêng Công an xã nkuăl têh chính quy. Ntoh nau tâm nar rƀŭn, Kruanh n’gâng kan Tô Lâm rnê prêh ăp nau tă geh dơi ma rmôt kan công an xã, nkuăl têh geh dơi tâm rơh rlau aơ. Tâm nê nau kan mât Ngih dak mpeh nau rnă njrăng, đăp mpăn geh dơi ƀư ueh lơn, đăp mpăn tâm di nau ntrŭnh bah pháp luật.

Kruanh N’gâng kan Tô Lâm mbơh, tâm rơh tât, Đảng uỷ Công an Trung ương ntrŭnh nau mpeh kan lŏ ntrŭt dăng ngăn nau ndâk Công an xã, nkuăl têh chính quy tâm rơh mhe gay rgum ntrŭt dăng nau ndâk njêng Công an xã, nkuăl têh geh đăp mpăn ăp ntil, pă kan, pă gưl ndrel ntŭk ntu dŏng kan, nau kơl an êng...tŏng n’hâm rklaih ăp nau kan mât đăp mpăn ntơm bah bôk ndrel tâm dâng, nsôih ndâk Công an xã, nkuăl têh ndrel rmôt Công an ƀon lan ăp gưl ngăn ngên kloh, dăng, chính quy, geh nau blau mhe tŏng dơi nau ŭch, nau kan tâm rơh mhe./.