VOV4.M’nông-N’gâng kan dak si mhe geh nău dăn đă tâm rgop an trong kan leo ƀư thi tốt nghiệp THPT năm 2022, tâm nĕ mbơh nkoch ăp nuĭh kon hoc geh nău khuch tât yor nuh srê Covid-19. Tâm nĕ, đah kon hoc geh F0, lah geh mât uănh, uănh săm ta ntŭk ngih dak tâm rnôk geh thi tốt nghiệp, mbra geh an lôch thi tốt nghiệp THPT. Lah kon hoc geh ŭch râng thi Tốt nghiệp THPT mbra geh leo ƀư thi ta rơh thi êng. ăp nuĭh thi lah F0 dôl geh uănh săm, gŭ êng ta jay tâm rnôk geh ƀư rơh thi tốt nghiệp mbra geh an lôch thi tốt nghiệp THPT đŏng. Lah nuĭh thi geh ŭch râng thi, an geh săm ƀŭt dăn thi bâh kon hoc n’hanh ký ŭch an bâh mê̆ bơ̆ kon hoc mô lah nuĭh mât rong, tâm nĕ geh nkô̆ nău kon hoc tâm ton ƀư tĭng ăp trong kan njrăng rdâng nuh srê Covid-19. Na nê̆, ntŭk kan leo kan njrăng rdâng thi tốt nghiệp THPT êng an kon hoc F0 tĭng uănh nđôi, an gŭ nglah êng ta jay lah geh ŭch rŏng. Kon hoc ta rnoh geh tâm mâp dăch hôm ntơ lah F1 geh tât râng thi ndrel đah ăp kon hoc êng mô geh khuch tât yor nuh srê Covid-19. Kon hoc ta rnoh nuĭh ntưp ji geh ntôn srê geh tât râng rơh tâm rlong. Hội đồng thi leo ƀư an kon hoc ta rnoh nuĭh ji geh ntôn srê ta ăp ntŭk thi êng tâm di đah nău đă mpeh njrăng rdâng nuh srê Covid-19.