VOV4.M’nông – Kêng măng 6/2 ta Trung đoàn 916, Sư đoàn Không quân 371, Quân chủng Phòng không Không quân, rlău 5.000 tơm si lĕ dơi tăm ta nar rgŏ jă tăm tơm si mro mrăng nkah gĭt wa Hồ, rƀŏng tĭng bôk nău kan tăm du rmen tơm si-yor du Việt Nam uĕh nđĭr năm 2022 yor N’gâng kan mât njrăng bri dak ƀư. Rgŏ jă Tết tăm tơm si, Đại tướng Phan Văn Giang, Kruanh N’gâng kan mât njrăng bri nkoch kloh năm 2022, lam tahen nsrôih tăm 3,3 rkeh tơm si chah chrai n’hanh rlău 2.400 ha bri. Gay jêh nău ŭch Kruanh N’gâng kan mât njrăng bri dak Phan Văn Giang đă ăp ngih pah kan, ntŭk kan ƀư uĕh lơn tay trong kan nkoch trêng, mbơh rblang ntĭm nti, n’hao nău wât lam tahen đah nău khlay bah tăm bri, trong kan mât njrăng bri, mât njrăng ntŭk ntô, ntrong leo jru hvi tâm tahen, rgop n’hŭch khuch rgâl trôk nar, n’hao uĕh nău rêh.

Nuĭh rblang: Y Sưng Phê Ja