VOV4.Mnông-  N’gâng kan Nội vụ mhe geh dăn đă lăp kan ndrel âk n’gâng kan, ntŭk kan bâh n’gâng kan dak si, n’gâng kan tuch tăm mât rong n’hanh hun hao ƀon lan. N’gâng kan Nội vụ dơn ngoăy dăn mbơh đah n’gâng kan tuch tăm mât rong n’hanh hun hao ƀon lan mpeh nău ƀư lĕ rngôch ăp ntŭk kan geh lĕ dĭng lĕ 27 n’gâng kan, tâm nĕ geh 21 ntŭk kan hành chính n’hanh 6 ntŭk kan công lập. Đah n’gâng kan dak si, mât kơt ơm 12 rmôt kan, 21 rmôt kan hành chính n’hanh 6 ntŭk kan bah dih ngih dak. Đah n’gâng kan dak si, geh mât kơt ơm 12 rmôt leo kan geh nău dơi kan mât uănh ngih dak, dơn ngoăy, leo ƀư tay 8 nău kan, n’gâng kan, rmôt kan. Ta năp nĕ, bôk khay 3 năm aơ, Thủ tướng chính phủ đă ăp n’gâng kan, ntŭk kan rdâk njêng nău nchrăp nghị định nău dơi kan, nău pah kan, nău dơi n’hanh ntŭk leo kan bâh ntŭk kan nơm njoăl tât n’gâng kan nội vụ. n’gâng kan tư pháp uănh năl, ndơ̆ an chính phủ uănh n’hêl, ntrŭnh mbơh tâm khay 3 năm 2022. Yơn lah, tĭng groi kruanh n’gâng kan nội vụ Nguyễn Duy Thăng, nău pă dăp n’gâng kan, nuĭh kan lah nău jêr an geh mông nar uănh n’hêl na nê̆ jêng lah mbra geh ndơ̆ an chính phủ uănh n’hêl tâm let năp tay.

Nuĭh rblang: Thị Đoắt