Di 8 mông ôi lơ 18-7, n’gâng kan ntĭm n’hanh nti ntơm geh mbơh điểm thi tốt nghiepej THPT năm 2023 bâh rlău 1 rkeh kon hoc râng thi. Ăp trang web uănh điểm thi geh dơi pơk mbro.

Năm aơ n’gâng kan ntĭm n’hanh nti ntrŭnh mbơh n’gâng kan n’hanh ăp ntŭk kan ntĭm n’hanh nti, du đê̆ báo điện tử ndrel mbơh điểm thi ta 8 mông ôi jêng nău uănh điểm thi bâh kon hoc dơh lơn, kon hoc mô geh kâp rngeh măng kâp tât 0 mông gay ma uănh điểm thi kơt năm e. Tĭng nău geh mbơh rblang điểm thi bâh n’gâng kan ntĭm n’hanh nti, môn giáo dục công dân geh điểm dŭt âk, lah 8,29 điểm, tâm nĕ geh âk kon hoc geh điểm 9. Môn thi aơ geh kon hoc tât didêrm 10 đŏng. Môn thi geh âk điểm tal 2 bâh rơh thi aơ lah ngữ văn, yơn kanŭng geh du hê kon hoc geh điểm 10. Ăp môn Toán, vật lý, Hóa học, Sinh học, Lịch sử, Địa lý geh điểm ta rnoh bâh 6,03 tât 6,74 điểm, yơn đah năm e nơh, rnoh điểm n’hanh rnoh bài thi geh điểm 10 lĕ hŭch. Môn tiếng Anh geh điểm dŭt đê̆ tâm ăp môn thi, đah 5.45 điểm, geh 494 kon hoc geh điểm 10 ta môn thi aơ.