VOV4.M’nông: Lơ 10/6, ta nkuăl ƀon têh Đà Nẵng, N’gâng kan ntĭm nti ƀư nau rgŏ jă nau kan ntĭm nti re dak, njrăng rdâng nau rmok dak dnrel ntơm ƀư nau tâm rlong re dak tâm kon se phổ thông tâm lam dak năm 2022. Geh ntơm lơ 8-13/6 đah nau râng bah 700 kon se tâm 26 n’gor, nkuăl ƀon têh tâm lam dak. Bol ma rmok dak tâm kon se ta dak he geh n’huch yơn ăp năm hôm geh nklăp 2000 kon se khĭt, âk ngăn tâm nkuăl Đông Nam Á ndrel âk rlau 8 tơ̆ rđil đah ăp dak hun hao. Năm 2022, N’gâng kan ntĭm nti hŏ rđau ƀư jêh ndrôm săm ƀŭt ntĭm nti mpeh nau njrăng, rdâng nau rmok dak tâm kon se. Nkre ƀư nau ntĭm nti nau blau, nau dơi mpeh nau njrăng, rdâng rmok dak, nti re, kơl an nŭih khĭt rmok dak ân ueh, ân 400 cán bộ, nai ntĭm kon se bah 63 n’gâng kan ntĭm nti./.

Nŭih rblang: H’Thi