VOV4.M'nông: Nar ntri (4/3), ta nkual ƀon têh Phú Quốc, n'gor Kiên Giang, Bộ ngoại giao Việt Nam ƀư tâm nchră n'glôch jêh 20 năm pah kan ntăm n'gâng n'har bri neh kơh Việt Nam-Campuchia gay n'glôch jêh, uănh năl ăp nău tâm nchră hŏ dơi geh. Tâm nchră tă bah Bộ trưởng Bộ ngoại giao Bùi Thanh Sơn ƀư tơm, ntơh măt kruanh rđău kan ăp n'gâng kan n'hanh kruanh rđău kan 10 n'gor geh trong n'har bri neh kơh đah Campuchia râng. Uỷ viên Bộ Chính trị, Groi thủ tướng Rnâng kan Phạm Bình Minh râng n'hanh rđău đă tâm nchră.

          Lah ta rnôk tâm nchră, Groi thủ tướng Rnâng kan Phạm Bình Minh  rđău đă Bộ Ngoại giao n'hanh ăp n'gâng kan ta n'gor geh tât tĭng ƀư jăp pah kan mât njrăng nâp trong n'har bri, n'gâng ntăm n'har bri tĭng ăp si ƀŭt hŏ ký ton, gay rgop ntrŭt ntrôl hun hao wăng sa rêh jêng kon nuĭh nkre đah mât đăp mpăn njrăng n'gang neh dak rdâk njêng n'har bri bar dak jêng nkual đăp mpăn n'hanh hun hao jŏ jong nâp dăng./.

Nuĭh rblang: Điểu Thân