VOV4.M'nông: Văn phòng Chính phủ mhe geh si ƀŭt mbơh mbrô 57 mpeh n'glôch jêh bah Thủ tướng Chính phủ Phạm Minh Chính ta rơh hop Rnâng kan Chính phủ mpeh Đề án "Dăp rgum doanh nghiệp ngih dak, rgum tơm lah tập đoàn wăng sa, tổng công ty ngih dak lvang năm 2021-2025". Ta rơh n'glôch jêh dja, Thủ tướng Phạm Minh Chính lah rjăp njrăng uănh tâm ƀư lôch jêh nău way kan, trong kơl, đăp mpăn wăng sa ngih dak geh nău khlay ƀư tơm, doanh nghiệp ngih dak lah n'gâng tơm, nar lơn ma n'hao nău dơi tam kan bah doanh nghiệp tĭng trong nchrăp bah Đảng. Dăp rgum tay geh rgum tơm, rgum tâm ăp doanh nghiệp mô nsĭt geh wăng sa; mât rêh, rdâk tay n'hanh hun hao ăp doanh nghiệp ƀư njêng, tăch rgâl geh nău tam, ăp tập đoàn, tổng công ty geh săk ntơ lư uĕh. Rgâl dơh glêh si ƀŭt mât kan, ƀư bah âk mpưm jêr jŏt, mpŭng lir gay ntrôl dăng pah kan dăp rgum, rgâl jêng tơm prăk bah dih ngih dak, n'gluh tơm prăk, dăp rgum tay doanh nghiệp. Rgâl jêng tơm prăk tâm rgop bah dih ngih dak jêng ngăn ngăn, geh nău tam./.

Nuĭh rblang: Điểu Thân