Ta aơ, Mpôl rdâk ƀư lĕ an nkhôm rơh tâm rlong “Kon hŏk, sinh viên đah nău mĭn rdâk njêng nău kan” rơh tal 5. Rơh tâm rlong lĕ dơn geh 508 nău nchrăp ƀư mpeh tâm 5 ntil nău kan: công nghiệp, ê nkra ndơ dŏng; lŏ mir, tui ka, si bri; ntĭm nti, pâl nđaih, tăch rgâl, prăk kaih; dak si, mât uănh săk soan, công nghệ ƀư uĕh n’hanh tăch rgâl ntrŭt an kon nuĭh.

80 nău nchrăp ƀư uĕh ngăn dơi lăp rwăch săch n’hanh rơh tâm rlong n’glêh dŭt bah rơh tâm rlong. Mpôl rdâk ƀư lĕ an 80 ndơ nkhôm tĭng 2 rmôt tâm rlong kon hŏk n’hanh sinh viên, tâm nĕ 10 giải nhất, 20 giải nhì, 30 giải 3 n’hanh 20 giải khuyến khích. Wa Ngô Thị Minh, Groi kruanh N’gâng kan ntĭm nti mpŏng ăp kon hŏk, sinh viên mât rong tay nău ŭch bah nơm, lôch jêh ăp nău nchrăp ƀư, ơm ndâk njêng doanh nghiêp rdâk ƀư nău kan, rgop ƀư lôch uĕh trong nchrăp hun hao wăng sa rêh jêng lvang 2021-2025.