VOV4.M'nông: Kêng măng 19/1, Ủy ban Thường vụ Quốc hội hŏ n'glôch jêh rơh hop tâl 7. Lah ta rơh n'glôch jêh, Kruanh Quốc hội Vương Đình Huệ dăn đă let năp tay leo ƀư mbơh rblang mpeh pah kan rgâl jêng công ty bah dih ngih dak n'hanh n'gluh tơm prăk rgop Ngih dak n'hanh nău ôp n'hanh ơh nău ôp ta Ủy ban Thường vụ Quốc hội. Kruanh Quốc hội dăn đă Nhih phat dôih ƀon lan gưl têh gŭ mĭn tay đah ndơ nsoh nkra rmal nuĭh tih bah Hội thẩm nhân dân đăp mpăn di nuih n'hâm n'hanh mpơl nău lhăt jăp tâm nău kan nkra rmal, n'hao săk tam nkra rmal.

Kruanh Quốc hội đă, uănh năl ăp tŏng lơn nău kan bah Ủy ban Thường vụ Quốc hội tâm năm 2021 gay rƀŏng an pah kan bah năm aơ n'hanh nchrăp an rơh hop tâl 3, Quốc hội khoá 15 đah rgum tơm lah pah kan rdâk njêng pháp luật. Tâm nê geh nău mbơh rblang Quốc hội mĭn uănh gay an dŏng trong nchrăp luật dơi rgop nău ta rơh hop tâl 2 n'hanh an nău rgop đah ăp trong nchrăp Luật mbơh rblang ta Quốc hội lor bôk năp./.

Nuĭh rblang: Điểu Thân