5 năm ba năp, nău kan tâm rlong “ntŭk kan tahen quân y 5 nău ueh” lĕ hun hao jêng nău kan nsum, têh hvi ta lĕ tahen. Cấp ủy, leo kan ăp gâl kan ăp nar lơ ma geh mât uănh âk lơn đah nău kan mât chăm săk soan, mât săk soan an tahen n’hanh ƀon lan.

Âk năm mbro, rnoh tahen ngăch dăng lam tahen mât nâp rlău 98%. Nău gĭt blău kĩ thuật n’hanh y đức bâh cán bộ, nuĭh kan tahen quân y lĕ geh n’hao lĕ rngôch, an tâm di đah nău ŭch rdâk njêng n’gâng kan tahen têh dăng mpeh nău leo kan, blău mpeh nău pah kan, nâp mpeh chính trị nău mĭn, nău pah kan, an tâm di ueh mpeh nău kan chính trị geh pă jao. Mpôl kan tahen quân y hôm nha geh tât râng săk rnglăy tâm nău kan mât đăp mpăn liên hợp quốc. Bâh ăp nău dơi lĕ geh, Đại tướng Phan Văn Giang, kruanh n’gâng kan mât rnă njrăng ngih dak đă, tâm let năp tay, ăp ntŭk kan, n’gâng kan lam tahen n’hanh n’gâng kan tahen quân y an geh ntrôl dăng tay, hun hao tay nău kan tâm rlong, mĭn uănh ăp nău mhe geh ngluh mbơh đah n’gâng kan quân y tâm nău mhe aƀaơ, gay ma geh trong kan mât đăp mpăn tahen nai dak si ngăch ndăn tâm ăp rơh nău tât.