VOV4.Mnông- Ôi nar 17/2, ta nkuăl ƀon têh Gia Nghĩa, n’gor Dak Nông, Tổng công ty tân Cảng Sài Gòn leo ƀư rơh rƀŭn nchră nglôch lôch ƀư tĭng bôk nău kan mbơh tơih dak lêng, gôl dak. Tât râng rơh rƀŭn nchră geh đại biểu n’gor ủy.ban tuyên giáo 6 n’gor: Đắk Nông, Gia Lai, Kon Tum, Thanh Hóa, Bình Dương, Hậu Giang; đại biểu cục chính trị hải Quân, nuĭh leo kan Tổng công ty Tân Cảng Sài Gòn, ntŭk kan chính trị Tổng công ty, Hải đoàn 128, Hải đoàn 129. Năm 2021, mpôl kan mbơh tơih nău Tân Cảng Sài Gòn lĕ leo kan tât ăp ntŭk kan, ăp ntŭk leo ƀư 12 rơh mbơh tơih dak lêng, gôl dak, geh âk nuĭh an 3.200 cán bộ, đảng viên, ƀon lan, kon hoc, sinh viên n’hanh rbăn nuĭh ƀon lan joi ka. Nău kan mbơh tơih dak lêng, gôl dak bâh Tân Cảng đah 6 n’gor lĕ geh âk nău rgâl mhe âk, ngăch mbơh nău tâm rgop n’hao nău dơn kan n’hanh nta mbơh nău tâm ban ta ntŭk rêh jêng đah nău kan mât ngih dak dak lêng gôl dak bâh neh dak.

Nuĭh rblang: Thị Đoắt