VOV4.M’nông -  Ta năp nău n’gơ neh geh na nao ta nkuăl Kon Plông, n’gor Kon Tum, nar 26/4, Mpôl pah kan bah N’gâng kan Xây dựng lĕ tât uănh nđôi ngăn du đêt ndơ rdâk ƀư ta nkual n’gơ neh nkuăl Kon Plông n’hanh nar pah kan đah UBND n’gor Kon Tum.

Groi Kruanh n’gâng kan Xây dựng Lê Quang Hùng ntoh ngơi ta nar pah kan đah UBND n’gor Kon Tum.

Ta nar pah kan đah UBND n’gor Kon Tum, tĭng năp nău mbơh, nău rgop, rnoh mrô geh aƀaơ, Groi Kruanh  N’gâng kan Xây dựng Lê Quang Hùng an lah, gay geh nkô̆ nău uănh lah mpeh nu nău n’gơ neh, đă Viện Hàn lâm khoa học Việt Nam, Viện Khoa học công nghệ-N’gâng kan Xây dựng ƀư nglăp tay trong quan trắc gay jêh trong vĕ uănh neh ta nkual ƀư quan trắc n’gơ neh tâm nar tât. Đah UBND n’gor Kon Tum, n’gâng kan ƀon lan an ơm đă ăp nuĭh tơm dak bât ƀư kơp uănh nđôi tay đăp mpăn gay geh trong rdâng nău mât; ntĭm nuĭh ƀon lan mkra ăp nău rnôk geh n’gơ neh.

Nuĭh rblang: Y Sưng Phê Ja