VOV4.M'nông: Geh tât nău lơh êng bri Mât gưl neh dak gay ƀư trong Trường Sơn Đông, UBND n'gor Dak Lak mhe geh si ƀŭt njuăl dăn đă Bộ Tổng tham mưu- Bộ Quốc phòng an rlu dĭl ƀư trong. N'gor Dak Lak dăn đă Bộ Tổng tham mưu kan nsum lhăt đah nhih pah kan dơi kan bah n'gor Dak Lak gay ôp uănh, năl di, nkra ăp nău tih tâm rnôk ƀư trong Trường Sơn Đông ta neh bri mô hŏ rgâl dŏng. Nkre, Bộ Tổng tham mưu ân ndăn ngăch nsŏng kơl tĭng ƀư, mbơh ăp nkô̆ bah UBND n'gor Dak Lak n'hanh Bộ Nông nghiệp n'hanh Phát triển Nông thôn nău ôp uănh tay ăp tŏng, rgum lĕ rngôch neh bri, ntil bri na nê̆ ân rgâl dŏng bah trong nchrăp ƀư trong Trường Sơn Đông. Lôch nê, ƀư ntŭk nsing mbơh Bộ Nông nghiệp n'hanh Phát triển Nông thôn ƀư si ƀŭt rgâl dŏng neh bri jêng dŏng ƀư ndơ êng ƀa ƀă./.

Nuĭh rblang: Điểu Thân