UBND n'gor Dak Nông mhe rđău đă ăp nhih pah kan dơi kan lăp kan, njêng rmôt hăn ôp uănh gay rmal nău pĭch rlâm kơh dak me Krông Nô. Wa Lê Trọng Yên, Groi Kruanh UBND n'gor Dak Nông an gĭt, n'gor hŏ rƀah gĭt nău lư mpeh nô nău  pĭch  rlâm kơh dak me Krông Nô gâl hoch rlău xã Quảng Phú, nkuâl Krông Nô.

Lôch nê, UBND n'gor hŏ rđău đă ăp nhih pah kan geh tât n'hanh n'gâng kan nkuâl Krông Nô njêng mpôl hăn ôp ŭanh, ƀư kloh nău  pĭch rlâm n'hanh mbơh. Wa Lê Trọng Yên lah rjăp, lah an geh pĭch rlâm tay ta ăp ntŭk hŏ an doanh nghiệp, n'gor ân rlu rhôp lơh choih. Rlău ma nê, n'gor Dak Nông dôl rđău đă ƀư kloh nău doanh nghiệp rhôp choih rvăt neh tuch tăm bah nuĭh ƀon lan ta nkual pĭch rlâm. Neh tuch tăm meng dak me geh âk choih raka, lah doanh nghiệp nde tăch rvăt neh gay dơh rhôp choih mô geh nău way, n'gor mbra rđău đă lăp rmal lhăt.