VOV4.M'nông: Ôi (2/3), ta nkual ƀon têh Kon Tum, UBND n'gor Kon Tum n'hanh Ủy ban Chính quyền n'gor Attapư (Lào) hŏ geh rơh pah kan, tâm ban ŭch tâm rgop kan nsum ƀư nti kơl nuĭh rnôk geh nău tât trôk nar lơh, dak bŭk n'hanh pĭch rlâm neh khuch tât nuĭh ƀon lan ta nkual kâng n'har đah bar n'gor.

Lah ta rơh pah kan, wa Nguyễn Hữu Tháp, Groi kruanh UBND n'gor Kon Tum n'hanh wa Bun-Sợt Sệt-thi-lạt, Groi Tỉnh trưởng n'gor Attapư mbơh gĭt mpeh nô nău hun hao wăng sa- rêh jêng kon nuĭh bah 2 n'gor n'hanh tât khuch an tay bah kơi trôk nar lơh, ŭnh sa lơh tâm năm rlău aơ. Ta rơh pah kan, bar ding tâm ban ŭch n'hanh ký si ƀŭt nchih nkah tâm boh an ƀư geh nău tam Nghị định thư mpeh kơl nuĭh ƀư bah khuch khat trôk nar lơh đah bar n'gor. Tâm năm 2022, bar n'gor n'gor Kon Tum n'hanh Attapư mbra kan nsum ƀư nti pah kan kơl nuĭh, dak bŭk n'hanh pĭch rlâm neh geh ta trong n'har bri kâng đah bar n'gor. Ntŭk ƀư lah ta xã Pờ Y, nkuâl Ngọc Hồi, n'gor Kon Tum./.

Nuĭh rblang: Điểu Thân