VOV4.M’nông- Kruanh UBND n’gor Kon Tum mhe geh công điện mbrô 02 ntĭm đă ăp ntŭk kan têh bâh n’gor n’hao nău kan mât uănh, mât bri ta nkuăl Kon Plông. Uănh năl bâh UBND n’gor Kon Tum an saơ nău muĭh kăl bri, rŭn in neh bri, sŏk dŏng bri mô tâm di đah pháp luật ta nkuăl Kon Plông geh ăp nar lơ ma jêr njrăng.

Ta nkuăl way geh hô ăp rơh muĭh kăl bri, rŭn in neh bri, nchoăn rdeng si mô tâm di...Ma dăch aơ lah rơh kăl sreh 26 tơm si ta khoảnh 11, tiểu khu 486 yor UBND nkuăl têh Măng Đen mât uănh. Kruanh UBND n’gor Kon Tum đă ntŭk kan têh ngăch ndăn tâm rgop đah ăp ntŭk kan têh n’hanh ntŭk kan geh tât uănh nđôi, uănh năl, ƀư kloh ăp nuĭh sŏk si mô tâm di, rnoh si geh sreh kăl mô tâm di lĕ nchoăn luh ta bri khoảnh 11, tiểu khu 486, nkuăl têh Măng Đen, nkuăl Kon Plông. Nău geh uănh nđôi rmal mbơh tơih đah UBND n’gor n’hanh ăp ntŭk kan geh tât tĭng di nău ntrŭnh.

Nuĭh rblang: Thị Đoắt