VOV4.M’nông -  UBND n’gor Kon Tum mhe geh sam ƀŭt ntĭm rđău N’gâng kan nchoăt rdêng ngăch ƀư nău nchrăp nkra tay Quốc lộ 24 ta n’gor Kon Tum. Tĭng nĕ, UBND n’gor Kon Tum đă n’gâng kan ntung trong ƀư tơm, tâm rgop đah ăp ntŭk kan geh tât ƀa ƀơ uănh nđôi, groi uănh ntŭk kan, ntĭm rđău tay, ntrŭt đă ăp nuĭh ndranh n’hao rgŏ jă ntop măy mŏk, ndơ ndơ ê nkra, nuĭh kan;

Ndâk ƀư nău nchrăp nkra Quốc lộ 24 lvang rlău nkuăl Kon Plông

dŏng tĭng dŭt n’hâm trôk nar uĕh, ƀư ntop n’hao mông kan ntrôl ngăch ƀư đăp mpăn di nar lĕ dơi nkra n’hanh an prăk lĕ trong nchrăp lĕ jao tŏng ăp jêh di ngăch n’hanh uĕh nâp. N’gâng kan ntung trong geh nău kan ntĭm rđău mbơh ntĭm groi nđôi tâm pă tŏng ăp nuĭh kan ta ntŭk, n’hao uănh nđôi rjăp mpeh uĕh nâp trong tĭng di nău đă kỹ thuật bah nău nchrăp ƀư; groi nđôi rjăp mpeh ngăch ƀư ơm mkra mô lah mbơh dăn đă ăp trong rmal đah ăp nău nuĭh ndranh ƀư mô đăp mpăn uĕh nâp, ƀư mbrơi.

Nuĭh rblang: Y Sưng Phê Ja