VOV4.M'nông: N'gor Kon Tum geh nău kan lĕ nuih n'hâm lôch nău nchih nkoch bah VOV mpeh ăp nău tih tâm rnôk lơh joi choih ta dak me Pô Kô, gâl hoch rlău ƀon Kà Nhảy, xã Đăk Nông nkuâl Ngọc Hồi n'hanh ta dak me Đăk Pxi, gâl hoch rlău thôn 7, xã Đăk Pxi, nkuâl Đăk Hà. Dŭt njrăng Sở Tài Nguyên n'hanh Môi trường n'gor Kon Tum hŏ mplơ̆ si ƀŭt dăn đă tăch nău dơi lơh joi choih, lŭ raka ƀư mon nhih jay ngăn ta dak me Đăk Pxi, gâl hoch rlău thôn 7, xã Đăk Pxi, nkuâl Đăk Hà.

 Na nê̆ tâm si ƀŭt njuăl tât Rmôt pah kan rgop âk n'gâng kan hăn ôp uănh nău kan lơh choih raka ta n'gor Kon Tum, Sở Tài Nguyên n'hanh Môi trường, Văn Phòng UBND n'gor Kon Tum jao an Rmôt pah kan ƀư tơm kan nsum đah Sở Giao thông vận tải hăn ôp uănh, ƀư kloh nkô̆ nău nchih nkoch bah Báo chí, rmal ăp nău tih (lah geh) tĭng n'glĕ nău dơi n'hanh quy định bah pháp luật.

Nuĭh rblang: Điểu Thân