Tâm 2 nar (26-27/11 ta nkuăl Lắk, N’gor đoàn Dak Lak ƀư “Sĭt tu tơm” năm 2022 ta xă nkual căn cứ Krông Nô đah âk nkô̆ nău khlay ngăn. Di rơh aơ, N’gor đoàn Dak Lak ƀư but uănh ji, pă dak si n’hanh mbơh ntĭm săk soan an rhiăng nuĭh ƀon lan, an âk nklâm ndơ an rnăk dơi kơl, rdâk ƀư 1 mlâm jay tâm kơl, jao an 3 mlâm jay tâm kơl an rnăk druh ndăm xung phong ơm; tâm nđŭr thể thao, ƀư njroh mprơ tâm rgop đah rgŏ jă tâm rlong têh mbah rhơn Đại hội Đoàn TNCS HCM lam dak rơh tal 12.

An ndơ ăp rnăk jêr jŏt.

Yuh H Giang Niê, Bí thư N’gor đoàn Dak Lak an gĭt, dĭng lĕ prăk ƀư bôk nău kan lah 250 rkeh prăk. Aơ lah nău nsrôih bah rmôt đoàn tâm nău rgŏ jă ăp tơm prăk rƀŏng tât bah dâng, ngăn lah tâm nău neh dak mhe rlet rlău srê ƀư ăp nău wăng sa, nkra njêng tăch rgâl mâp âk jêr jŏt.