VOV4.M’nông: Lơ 11/3/2022, ntŭk gŭ kan bah Radio Việt Nam tâm Tây Nguyên ndrel n’gâng kan tâm nkuăl, rnăk vâl, băl tâm dăch, tâm bên, nŭih pah kan nsum hŏ leo tâp Nhà báo Kpă Simon, Groi Giám đốc ơm bah ntŭk kan Radio Việt Nam tâm Tây Nguyên sĭt tâm tâm ƀon păng nơm tâm xã Chư Mô̆, nkuăl Ia Pa, n’gor Gia Lai. Tâm rnôk 15 mông 20 mnĭt lơ 9/3/2022, Nhà báo Kpă Simon, Groi Giám đốc ntŭk kan Radio Việt Nam tâm Tây Nguyên, yor nau ji jâk jru ri hŏ nchlơi nau rêh.

Wa deh tâm lơ 3/8/1959, rêh jong 63 năm, geh rlau 25 năm ƀư nau kan ân ntoh ngơi bah 6 nau ngơi rnoi mpôl đê̆ tâm Tây Nguyên tâm ntŭk kan Radio Việt Nam nkuăl Tây Nguyên, ntơm bah nau rblang, ntoh nau ngơi rnoi Jrai, ân tât ƀư nau kan prêh lơn. Đah ăp nŭih pah kan nsum ma păng, nhà báo Kpă Simon lah nŭih dŭt n’hâm tâm dăch dơh, lah nŭih ntoh ang ngăn mpeh nau gơih kan, ŭch ma nau ơm yau bah ăp rnoi Tây Nguyên, mro nsôih mât nau ngơi, rplay săm nchih ân tât ăp nau ueh ơm, ăp nau mprơ m’ak. Đah bôk nau ntuh ngơi ngơi ăp rnoi ta Tây Nguyên.

Wa mro uănh ân kloh, nchih nkra ân tŏng di ăp rplay, săch ăp ntil nhạc ân ueh ân tâm di. Đah ăp nŭih băl djăt Radio dăch ngai, moh săk Kpă Simon kơt lah hŏ mơng ngăn đah ƀon lan dăch ngai, tâm lam Tây Nguyên, nkrah âk năm khay yor lah er ngơi, nau săk ăp ntil báo chí tâm ntŭk ntoh nau ngơi.

Hăn tĭng drau phan jêh âk jêt năm ƀư nau kan ta Buôn Ma Thuột, n’gor Dak Lak, wa hŏ geh bu leo nsĭt tâm tâm ntŭk me deh păng tâm jâng yôk Chư Mô̆, ndrâm dak me Sông Ba (tâm nkuăl Ia Pa, n’gor Gia Lai)./.

Nŭih rblang: H’Thi