VOV4.M'nông: Kêng măng 14/4, Kruanh dak Nguyễn Xuân Phúc hŏ uănh saơ Lễ ký ton nău way tâm boh đah Văn phòng Kruanh dak n'hanh Nhih phat dôih ƀon lan gưl têh, Viện Kiểm sát Ƀon lan gưl têh. Lah ta rơh lễ, Kruanh dak Nguyễn Xuân Phúc rnê âk, ăp năm kan rlău aơ, pah kan nsum đah Văn phòng Kruanh dak đah Nhih phat dôih ƀon lan gưl têh, Viện Kiểm sát ƀon lan gưl têh n'hanh ăp nhih pah kan nội chính, tư pháp way lhăt jăp, geh âk nău dơi di ma nchih nkah.

Ntơm bah nê, rgop đăp mpăn tĭng ƀư jăp nău dơi kan bah ăp nhih pah kan. Kruanh dak Nguyễn Xuân Phúc dăn đă Ban Nội Chính Trung ương, Nhih phat dôih ƀon lan gưl têh, Viện Kiểm sát ƀon lan gưl têh, Bộ Công an, Ủy ban Tư pháp bah Quốc hội  n'hanh Văn phòng Kruanh dak ân geh nău tâm boh kan nsum lhăt, ƀư mbro n'hanh geh săk tam lơn. Kruanh dak đă ăp si ƀŭt hŏ dơi ký ton rơh dja ân dơi ƀư tât jru hvi, n'hanh tĭng ƀư du trong răp jăp bah kruanh rđău kan tât ăp gâl kan, lơn lah ăp cán bộ, chuyên viên râng ƀư na nê̆ nău kan./.

 Nuĭh rblang: Điểu Thân