VOV4.M’nông – Geh tâm trôm ăp nău ƀư nkah gĭt 30 năm ndâk njêng tâm boh tâm rnglăp Việt Nam-Hàn Quốc, kêng măng 25/3 ta nkual ƀon têh Sầm Sơn, n’gor Thanh Hóa ƀư Rƀŭn nchră “Tâm mâp Hàn Quốc”. Hàn Quốc aƀaơ dôl mât nău ƀư nuĭh ntuh kơl têh ngăn tâm Việt Nam đah 9.200 nău nchrăp ƀư hôm e tam; kan ndrel ODA, pâl nđaih, pah kan têh tal 2 n’hanh kan ndrel tăch rgâl têh tal 3 đah nău geh prăk tăch rgâl ăp ding geh 78 rmen đôlar tâm năm 2021. Ntoh ngơi ta rƀŭn, Groi kruanh rnâng kan N’gâng kan nchră nău Việt Nam Nguyễn Minh Vũ mpŏng ŭch âk ntŭk n’hanh doanh nghiệp mbra dơi joi nuĭh kan ndrel tâm di, âk nău mĭn kan ndrel gay dơi geh nău rƀŏng nsrôih n’hao geh prăk tăch rgâl ăp ding Việt Nam-Hàn Quốc hao 100 rmen đôlar tâm năm 2023 n’hanh rƀŏng tât nău ŭch 150 rmen đôlar tâm năm 2030. Chính phủ Việt Nam ton kơl lor tâm nău rgâl uĕh nđĭr, rgâl mrô... n’hanh aơ lah jâng nsan têh bah ăp doanh nghiệp Hàn Quốc.

Nŭih blang: Y Sưng Phê Ja