VOV4.M’nông: Bôk nau kan “N’hao nau dơi tăch luh ndoh ndơ ân ntŭk kan tăch rgâl bah găp ndrel jê̆ tâm ntil ndơ bum, byăp, play Việt Nam” mra rgop nau bư dơi nkô̆ nau leo tăch luh dak ba dih ăp ntil ndơ tuch tăm, tui ka geh rlau 50 rmen đola tâm năm 2025 ndrel leo ăp dak jêng dak tăch luh ueh âk ngăn tâm nkuăl ASEAN ndrel lam ntur neh. Aơ lah nau mbơh tâm rơh rƀŭn tâm nchră ntơm ndâk ƀư Bôk nau kan “N’hao nau dơi tăch luh ndoh ndơ ân ntŭk kan tăch rgâl bah găp ndrel jê̆ tâm ntil ndơ bum, byăp, play Việt Nam” geh rmôt kan tăch rgâl ndrel Công nghiệp Việt Nam (VCCI) tâm rgop nsum đak Oxfam ƀư tâm ôi 6/5, ta Hà Nội. Tâm nar tâm nchră, ăp ntoh măt ân lah, tăch luh bum byăp play lah du trong hăn ueh ngăn ân ăp rmôt ƀư nau kan tăch rgâl ndrel leo nsĭt nau săk geh văng sa âk, yơn ê geh ndăn lĕ ăp nau dơi. Ndri ma nau ƀư kan tăch rgâl tâm nkuăl EU mô lăng âk. Bôk nau kan aơ rƀŏng tât n’hao nau dơi tăch lăp tâm Liên minh Châu Âu (EU) ân ăp ntŭk kan tăch rgâl jê̆ ndrel bah găp tâm ăp ntil ndơ bum, byăp, play, kơl an nau hun hao ntŭk kan tăch rgâl ndrel ăp dak EU gay ntrŭt dăng ăp nau dơi tăch luh, n’hao nau dơi bah ntŭk kan ndrel nau lư bah ăp ntil ndơ tuch tăm bah Việt Nam./.

Nŭih rblang: H’Thi