VOV4.M’nông: Kêng măng 24/3, ta ntŭk kan Kruanh dak, Ntŭk kan Kruanh dak ndrel Rnâng kan Uỷ ban Trung ương MTTQ Việt Nam tâm rgop ƀư rơh rƀŭn lôch nau tâm rgop đah Kruanh dak ndrel Rmôt kruanh Uỷ ban Trung ương MTTQ Việt Nam năm 2021, nau tơm lah nau tâm rgop nau kan năm 2022. Kruanh dak Nguyễn Xuân Phúc ndrel wa Đỗ Văn Chiến, Bí thư Trung ương Đảng, Kruanh Uỷ ban Trung ương MTTQ Việt Nam ndrel ƀư tơm nar rƀŭn. Ntoh nau tâm nar rƀŭn.

Kruanh dak Nguyễn Xuân Phúc đă Uỷ ban Trung ương MTTQ Việt Nam uănh, kơl an, rđau đă, ntrŭt dăng nau nkoch trêng, bonh đă ăp kơn ƀon lan, pơk nau rnom, nau tâm ban tâm nau kan ndrel nau mĭn gay nsôih ƀư ân dơi nau ndâk njêng ndrel mât neh dak tâm rnôk mhe. Di rnôk aơ, Kruanh dak đă Chính phủ, Quốc hội, n’gâng kan ăp gưl kơl an âk lơn tâm nau rklaih nau đă bah Uỷ ban Trung ương MTTQ Việt Nam ndrel Uỷ ban MTTQ Việt Nam ăp gưl./.

Nŭih rblang: H’Thi