Aơ lah rơh rƀŭn nchră bôk năp tâm năm 2023 bâh bôk nău kan “Rơh rƀŭn nchră mbơh tơih nău kan tăch rgâl đah trong kan tăch rgâl Việt Nam ta dak bah dih” geh n’gâng kan Công thương ƀư tĭng ăp khay kơp bâh khay 7/2022.

Rơh rƀŭn nchră lĕ geh rlău 500 đại biểu tât bâh ăp ntŭk kan bâh n’gâng kan Công thương, lĕ rngôch trong kan tăch rgâl, pah kan tăch rgâl Việt Nam ta dak bah dih, ăp ntŭk kan mbơh tơih nău tăch rgâl Việt Nam ta dak bah dih, ăp ntŭk kan Công thương, ntŭk kan tuch tăm mât rong n’hanh hun hao ƀon lan, hiệp hội n’gâng kan tât râng. Ta rơh rƀŭn nchră, nuĭh leo bôk năp n’gâng kan Công thương đă ăp ntŭk kan tăch rgâl n’hanh ăp ntŭk kan têh geh tât an geh n’hao tay lơn nău kan mbơh tơih tăch rgâl, hun hao ntŭk tăch rgâl tăch ndơ an dak bah dih, nkre lah hăn ndrel đah ta ntŭk, hiệp hội n’hanh doanh nghiệp ndrel ƀư tĭng bôk nău leo kan bâh chính phủ lĕ geh uănh năl an năm 2023: “Tâm rnglăp kan ueh, leo kan tâm di, rgâl mhe nău kan, ngăch ndăn săk rnglăy”.