Nău nchrăp ƀư gay n’hao nău wât bah druh ndăm rchong rnoi mpôl đêt mpeh nău tăch rwăt nuĭh n’hanh gŭ ur ơm. Nău nchrăp ƀư mbơh ƀư tâm 3 năm (2020-2023) ta 4 n’gor geh: Hà Giang, Lai Châu, Quảng Bình n’hanh Quảng Trị đah nău ŭch druh ndăm rchong ăp rnoi mpôl đêt mĭn joi n’hanh gĭt ăp nău mbơh mpeh njrăng n’gang nău gŭ ur sŏk sai ơm n’hanh njrăng n’gang tăch rwăt nuĭh tă bah trong ƀư Trực tuyến Oh răm.

Nchrăp, rlău 17 rbăn druh ndăm rchong rnoi mpôl đêt năm deh bah 10 tât 24 năm deh dơi geh na nê̆ bah nău nchrăp ƀư. Ta bôk nău kan, ăp đại biểu tâm rgâl nău blău ơm, ăp nău mbơh uănh lah ăp năm n’hanh ăp nău nkoch na nê̆ n’hanh rup gui mpeh nău gŭ ur sŏk sai ơm n’hanh tăch rwăt nuĭh ta Quảng Bình n’hanh Quảng Trị, Hà Giang, Lai Châu.