Công an dôl rgum uănh ôp ăp nuĭh geh tih geh nhup kân n’hanh joi tay ăp nuĭh hôm e. Aƀaơ ăp mpôl kan têh hôm nha geh rdul joi, nhup tay ăp nuĭh hôm e gay ma rmal răng dăng tĭng nău ntrŭnh bâh pháp luật.

Ta năp nĕ, ơm ôi lơ 11/6, ta nkuăl Cư Kuin lĕ geh nău du mpôl nuĭh dŏng phao rdul lơh ta ntŭk kan UBND xã Ea Tiêu n’hanh Ea Ktur, ƀư du đê̆ đồng chí công an xã, cán bộ xã, nuĭh ƀon lan khĭt n’hanh rmanh...Lôch geh nău tât aơ, n’gâng kan công an xã lĕ ntĭm đă công an n’gor Dak Lak, ăp ntŭk kan mbơh tơih nhup mpôl rlăng nĕ, rklaih du đê̆ ƀon lan geh mpôl rlăng nhup leo. N’gâng kan công an đă ƀon lan nkuăl Cư Kuin n’hanh ăp ntŭk kiau meng an njrăng, mô klach phit. Lah geh nău gĭt tât rmôt kan nĕ, an geh mbơh tơih dâl an ntŭk kan công an ntŭk kan dăch nơm gŭ. Đah ăp ntŭk kan mbơh tơih nău an geh uănh năl na nê̆ ê lor an ta mạng gay ma đăp mpăn nău mbơh tơih di đah nău ngăn.