Công ty điện lực Dak Lak lĕ ndâk njêng lôch uĕh n’hanh an 5 rnăk jay tâm kơl ăp rnăk jêr jŏt ta n’gor Dak Lak. Aơ lah ăp jay dơi Tổng công ty điện lực Miền Trung (EVNCPC) ntop kơl prăk ndâk ƀư tâm năm 2023

. Tĭng nĕ, du mlâm jay dơi nău kan điện ntop kơl 60 rkeh prăk, n’gâng kan ƀon lan n’hanh rnăk wâl, kônh wa ƀon lan rgop soan rgop drăp ndơ gay ƀư jay kloh uĕh. Ndrel đah nĕ nău ntop kơl ƀư jay, điện lực Dak Lak hôm an du rnăk du mlâm tivi n’hanh du đêt ndơ điện rhŏ dŏng gŭ âm.

Dơi gĭt ndrel đah Dak Lak, tâm năm 2023, EVNCPC lĕ ntop kơl ƀư 70 mlâm jay tâm kơl an ăp rnăk ach o, rnăk dơi kơl ta 13 n’gor miền Trung n’hanh Tây Nguyên, đah dĭng lĕ prăk rlău 4,2 rmen prăk. Ăp jay mhe lĕ kơl ăp rnăk đăp mpăn ntŭk gŭ, dơi geh rlet rlău jêr jŏt.