Gay rgum ntêr lĕ ăp mpôl kan tâm njrăng, n'gang puh n'hât ŭnh sa, n'gor Dak  Nông hŏ njêng trong ntĭt leo “Liên đội dân phòng tâm pah kan njrăng, n'gang puh n'hât ŭnh sa n'hanh kơl joi nuĭh tât rmanh". Lễ ntoh măt liên đội dja dơi ƀư mhe aơ ta yôk bri n'ho mpeh xã Trường Xuân, nkuâl Dak Song.

Tĭng nê, “Liên đội dân phòng tâm pah kan njrăng, n'gang puh n'hât ŭnh sa n'hanh kơl joi nuĭh geh nău tât" lah ăp nuĭh tâm mpôl công an n'hanh dân phòng ăp xã Trường Xuân, Nâm N’Jang (nkuâl Dak Song) n'hanh phường Quảng Thành (nkual ƀon têh Gia Nghĩa). Aơ lah trong ntĭt leo tâm rgop kan njrăng, n'gang puh n'hât ŭnh sa n'hanh kơl nuĭh geh nău tât lor bôk năp ta n'gor Dak Nông, tĭng ƀư nău kan kơl ăp xã, ăp nkuâl, ntop kơl  nkra ăp nău tât rtoh ŭnh sa ta ăp ntŭk kâng n'har. Lơn lah kơl puh n'hât ăp rơh ŭnh sa bri, ŭnh sa mir  n'hanh ăp ntŭk geh sop nkăp ntâng jru n'hanh way dŏng kơl puh n'hât ŭnh sa mô dơi hăn tât.