VOV4.M'nông: Nar ntri (19/8), ta n'gor Ninh Thuận, Bộ Công thương ƀư tâm nchră n'gâng kan công thương 15 n'gor, nkual ƀon têh miền Trung - Tây Nguyên tâl VIII. Tâm bah ri aơ, 15 n'gor, nkual ƀon têh miền Trung - Tây Nguyên hŏ geh ăp nău dơi têh ta ăp trong kan. Lơn lah, năm 2021, nkual geh 2 n'gor gŭ tâm Top 5 n'gor, nkual ƀon têh geh rnoh hun hao GRDP dŭt âk lam dak lah: Gia Lai 9,71%; Ninh Thuận 9% (lam dak hao 2,58%). Bah meng ăp nău dơi hŏ geh, nău kan ƀư njêng công nghiệp, tăch rgâl bah ăp n'gor hôm geh du đêt nchiăng khan, jêr jŏt đŏng, lơn lah mpeh pháp luật, trong kơl n'hanh leo ƀư ăp nău kan tâm rgop nkual, buăt nthoi ntŭk hun hao.

Gay nkra bah mpăng đêt, jêr jŏt, Tâm nchră hŏ rgum tâm rkhăch, tâm pă nkoch nău tă ơm gĭt kan gay droh rklaih ăp jêr jŏt, kŏ kol geh tât pah kan mât uănh ngih dak bah ăp n'gor, bah nê gay ndơ̆ luh ăp trong nkra ntrŭt ntrôl hun hao tăch rgâl, njêng nău tâm rgop, buăt nthoi, tâm kơl, tâm boh tâm hun hao n'gâng kan công thương ăp n'gor, nkual ƀon têh n'hanh lam nkual./. 

Nuĭh rblang: Điểu Thân