Tĭng nău mbơh, tâm 8 khay bôk năm 2026, dĭng lĕ sŏk an tơm prăk ngih dak ta Quảng Ngãi geh bơi 24 rbăn rmen prăk, hao rlău 10% nkôp đah rơh aơ năm bah năp. Lam n’gor lĕ pă an prăk ntuh kơl nsum geh 2.800 rmen prăk, tâm ban 35% trong nchrăp năm.

Gay mkra ăp jêr jŏt, wăk kol tâm rnôk ƀư tĭng trong nchrăp hun hao wăng sa-rêh jêng lvang 2026-2030, n’gor Quảng Ngãi dăn đă N’gâng kan prăk kaih uănh tât tay, nta an đah du đêt nkô̆ nău geh tât Bôk nău rgop an tâm nchră jêng Ntŭk trih, pring xăng n’hanh ŭnh nar ngih dak ta Nkual wăng sa Dung Quất; hun hao đặc khu Lý Sơn jêng Ntŭk pâl nđaih dak lêng-gôl dak lam dak; mbơh ƀư samƀŭt ƀư tĭng nău nchrăp ƀư trong têh hăn ngăch Quảng Ngãi-Kon Tum; nkra, pơk hvi trong Quốc lộ 24 boăt nthoi đah n’gor Quảng Ngãi (ơm) n’hanh n’gor Kon Tum (ơm). Nkre, ntop tay prăk ƀư ăp nău rƀŏng mpeh khoa học, công nghệ, rgâl mĭn ƀư mhe n’hanh rgâl mrô, jêng ntŭk hun hao wăng sa-rêh jêng, ndơ̆ Quảng Ngãi jêng ntŭk wăng sa dak lêng ngăch prăl bah Neh dak./.