Aơ lah ăp nuĭh khĭt tâm lơh kăl e geh rgum  ta quân khu 2 joi geh tâm rơh 2 khay wai năm 2022-2023. Tât râng rơh vơt geh ndơn kan nuĭh leo kan n’gor Bắc Lào, ndơn kan rnâng kan dŭt khlăy bâh chính phủ Lào, ndơn kan Quân khu 2 ndrel đah âk nuĭh ƀon lan n’gor Oudomxay n’hanh âk nuĭh Việt Nam n’gor Oudomxay.

Ta rơh vơt, jao, thiếu tướng Đinh Mạnh Phác, groi Tư lệnh Quân khu 2 lĕ mpơl nău lah ueh dŭt n’hâm tât rnâng kan bâh chính phủ Lào, n’gâng kan n’hanh ƀon lan 6 n’gor Bắc Lào lĕ nta ăp nău dơh nơih gay ma mpôl kan Quân khu 2 pah kan lôch. Thiếu tướng Đinh Mạnh Phác ŭch rnâng kan nău kan bâh ăp n’gor Bắc Lào mbra tâm rgop tay ntrôl ngăch nău pah kan joi, rgum, leo sĭt nting tahen khĭt ta rơh tâm kơl, nuĭh way kan Việt Nam khĭt ta Lào tâm ăp rơh tâm lơh tâm su.