VOV4.M’nông: Ôi lơ 4/4, ta Hà Nội, Đảng bộ khối ăp ntŭk kan Trung ương ƀư nau nkah 15 năm nar ndâk. Lơ 11/4/2007, N’gâng kan Chính trị (gưl X) hŏ ntrŭnh nau ntrŭnh mrô 47 ndâk Đảng bộ Khối ăp ntŭk kan Trung ương tâm nau rƀŭn rgum 7 đảng bộ khối ntŭk kan Trung ương. Ntơm du Đảng bộ geh ndâk tâm nau duh janh bah nau tâm lơh mprơh Pháp tâm ntŭk tâm lơh Việt Bắc đah 6 chi bộ geh âk rhiăng đảng viên, tât rnôk aơ, Đảng bộ Khối hŏ geh 61 đảng bộ đah rlau 7,7 rmuen nŭih đảng viên, rƀŭn rgum tâm 5.735 chi bộ tâm ndrel bah dih dak. 15 năm rlau aơ, Đảng bộ khối hŏ nsôih rlet rlau âk nau jêr, ntul rlong, njêng nau rgâl mhe khlay ndrel geh âk ntil tâm ăp nau kan. Đah nau kan “Tâm rnglăp, ƀon lan ƀư tơm-blau nau mĭn-ƀư nâp-lor trong lor”, tâm rơh tât Đảng bộ Khối uănh năl nau nsôih chính trị prêh gay ma ndâk, hun hao tâm năm kan 2020-3025 lah: “Ndâk, rgâl nâp Đảng kloh, nâp, ƀư ueh nuih n’hâm tâm rnglăp, ƀon lan ƀư tơm, nau nâp, rgâl mhe ndrel n’hao nau rêh cách mạng, nau kan leo lor bah cán bộ, đảng viên”./.

Nŭih rblang: H’Thi